TAURICI et TAURII Ludi

TAURICI et TAURII Ludi
item Taurilia, quibusdam quoque Boalia et Bupetia dicti, Romae celebrari solebant, in Circo Flaminio, in quibus circum metas currebant. ut Varro habet de L. L. l. 4. Fuit vero Circus ille, extra portam Carmentalem, teste eôdem. In honorem Inferorum instituti leguntur, hac de causa: Regnante Tarquiniô Superbô, cum magna incidisset pestilentia in mulieres gravidas, quae fuerat facta ex carne divisa Populo taurorum, ob hoc Dtis Inferis ludi dicati sunt, et Taurii dicti, Paulus Diaconus Festi abbrev. Idem habet Sext. Pompeius. Contra eos ludos Varro ait vocari, quod discipulus prudens a Doctore inter * * * solitus sit impelli, atque usque eo eogi docere, quoad consisteret et virtute talorum constaret pedum firmitas, Festus. Quod apud nullum veterem Auctorem remere invenias. Apparet tamen Varronem ludos Taurios ab eo dictos sensisse, quod in corio Tauri id genus ludi fieret a Ludimagisteis, eô die, quô ludi Circenses, qui dicti sunt Taurii, in Circo Flaminio, fierent; aut quod scuticâ tauricâ discipulus impelleretur: idque explendum fuisse in ea lacuna, in qua causa hominis desiderari videtur, Scaliger ad Festum. Vide Ioh. Rosin. antiqq. Rom. l. 5. c. 21.

Hofmann J. Lexicon universale. 1698.

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.